فوائد عيد الفطر

أحس فيه بتوحد الأمة الإسلامية وظهور المساواة بين الناس، خصوصاً وأنه احتفال للمسلمين. : هو يوم يسعد فيه الفقير والغني القريب والبعيد الكبير والصغير، تتألف فيه القلوب وتزول الأحقاد ويتواصل الناس فيه مع بعضهم البعض.

: العيد هو البهجة والمودة والمحبة والسرور،العيد فرحة لقلوب المسلمين ومصالحة للمتخاصمين، وبالتأكيد فرحة كبيرة لأطفالنا، خصوصاً مع تواصل الأحبة والأهل والأقارب.

العيد فرحه ولا العيد معصيه ؟

كان كلنا مترقبين قدوم رمضان علشان نفرح بالطاعه وبالصيام وبالصلاه ،،، ربنا بيقول {الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ }الرعد28

صدقت ياالاهي ،،، فعلا اطئن قلبنا بذكر الله في رمضان ،،، كنا نبقي مثلا في الشغل او في البيت نسمع صوت المصلين في صلاة التراويح تحس ان الكون كلة بيسبح لله ويطمئن قلبنا

وجه رمضان وفرحنا برمضان في ظل الطاعه ،،،، مشي رمضان ....وجه العيد ... وزادت الفرحه .... طيب والطاعه ؟؟ هاتمشي الطاعه ولا هاتذيد؟؟

ولا ايه رأيك

انا اتوقع زي كل سنه ،،، راح رمضان هي خلعت الحجاب العيره بتاع رمضان ،،، وهو ساب المصحف بتاع رمضان ،،،، وهما سابوا الصلاة في جماعه

ليه ؟؟ هو رب رمضان مش رب كل الشهور ؟؟ ولا العباده اصلا مش لرب رمضان ولكنها لرمضان نفسه ؟؟؟ ولا بنشوف الناس بطيع فابنطيع علشان مانبقاش شواز في وسطهم ؟؟

قررت هاتعمل ايه بعد رمضان ؟؟؟ قررت هاتقدي عيدك ازاي ؟؟

في طاعه ولا معصيه؟؟؟ هاتتصل بالبنت اللي كنت ماشي معاها قبل رمضان وتكلمها في التليفون بس في رمضان ؟؟ [[ اصل السلام بيفطر ]]

وانتي ... ايوه انتي ،،، هاتقلعي حجابك تاني ؟؟ هاتلبسي من غير هدوم زي قبل رمضان ؟؟ هاتبقي حاجه رخيصه الكل بيشوفها زيها زي اي ملكان في بترينه ؟؟

انا مش هاجاوب علي اي سؤال عاوزكم تجاوبوا بينكم وبين نفسكم وتعرفوا ان رب رمضان هو رب كل الشهور ،،، والعيد فرحه مش معصيه ،،، افرح والعب وهرج ،،، وصلي وزور قرايبك وطيع ربنا


انا كلامي دا مش لكل الناس لاني عارف ان في ناس بتراقب نفسها وعارفه ان ربنا موجود في كل وقت وفي كل زمان في رمضان وفي غير رمضان وفي كل الشهور

انا مش هاطول عليكم انا جيت فضفط ودردشت ومستنيك تدردش مع نفسك وتعرف انت من اي نوع [[ من بتوع العيد فرحه ولا العيد معصيه منقـــــــــــــول ]]